Analisti politik Agim Baçi ka komentuar zhvillimet e fundit politike në vend, duke u ndalur te marrëdhënia mes Partia Demokratike e Shqipërisë dhe mazhorancës socialiste, si edhe te debatet e brendshme në opozitë.
I ftuar në një studio televizive, Baçi deklaroi se miratimi i rezolutës për integrimin evropian me votat e përbashkëta të PD-së dhe Partia Socialiste e Shqipërisë bie në kundërshtim me retorikën publike të kreut demokrat Sali Berisha.
“PD firmosi rezolutë bashkë me PS. Ky është akti publik që u shfaq dhe shkon kundër retorikës që Berisha shfaq në deklaratat e tij kur thotë se me këtë qeveri nuk mund të integrohemi në BE”, u shpreh Baçi.
Sipas tij, marrëveshjet politike mes opozitës dhe mazhorancës nuk janë problem në vetvete, por transparenca ndaj qytetarëve mbetet elementi kryesor.
“Nuk ka gabim të merresh vesh me mazhorancën, por problemi është te transparenca. U bë një rezolutë pa debat, duke u marrë vesh që palët kishin rënë dakord”, deklaroi analisti.
Baçi komentoi edhe deklaratat e opozitës për protesta dhe “kryengritje”, duke thënë se retorika politike nuk është reflektuar në realitetin politik në terren.
“Berisha përmend kryengritjen më të madhe, por nuk e kemi parë. Ka diçka që nuk shkon me PD në këto raste. Në një vend normal opozita duhet të jetë shpresë. Rotacionin politik e bën opozita”, tha ai.
Duke folur për situatën e brendshme në PD, Baçi vlerësoi qëndrimin e ish-deputetit Ervin Salianji, i cili ka kundërshtuar përjashtimin nga gara për kryetar të partisë.
“Salianji është treguar shumë i matur që nuk ka ndjekur çështje gjyqësore ndaj PD. Duke iu drejtuar forumeve të partisë, ai tregon se ende u beson atyre”, u shpreh Baçi.
