Kokalari më herët ka publikuar kartelën e shtrimit në spital të Ervin Salianjit, e cila thoshte se ai do kurohej për tjetër gjë, por në fakt mbolli flokët dhe rregulloi hundët.
Denoncimi i Evi Kokalarit:
Këtë fundjavë, më dërguan foto të kartelës së shtrimit të Ervin Saljanit tek Spitali Amerikan.
Ervin Saljani nuk është shtruar njëherë në këtë spital, por DY herë, siç dhe parashikohej nga informacionet e ndara nëpër media.
Disponoj foto të kartelave të spitalit, të cilat kanë numër identifikues, tregon datat e shtrimit dhe të daljes, si dhe diagnozat. Nëse SPAK fillon një investigim, jam gati t’ju dërgoj kartelat, dhe thjeshtë mund të kërkojnë konfirmim nga spitali.
Por ndërkohë, dhe për hir të detyrimit që çdo politikan i ka votuesit, mendoj që do ishte e udhës që Ervin Saljani vet të jap një deklarate sqaruese për këto operacione.
***
Ndërkohë, informacioni në kartelën e spitalit është si më poshtë:
Shtrimi I (6 ditë)
– Shtrimi 23.11.2024
– Dalja 29.11.2024
Diagnosa:
Ablacion me radiofrekuencë i VSM sinistër + miniflebektomi
Shtrimi II (8 ditë)
– Shtrimi 28.03.2025
– Dalja 04.04.2025
Diagnosa II:
St post ablacion me radiofrekuencë i VSM sinistër +miniflebektomi. Insuficiencë venozë e lehtë + në anesinë inferiore dexter.
