Çdo vend ka një ngjyrë specifike në pasaportën e tij dhe arsyeja sigurisht nuk është e rastësishme, por lidhet me disa faktorë. Ngjyra e pasaportës së një vendi nuk është e rastësishme, por pasqyron faktorë historikë, gjeografikë dhe kulturorë. Zgjedhja e ngjyrës zakonisht bazohet në traditat politike ose fetare, aleancat gjeografike dhe, shpesh, arsyet praktike.
Le të shohim kategoritë kryesore:
E kuqe
Pasaporta e kuqe është një nga ngjyrat më të zakonshme të përdorura nga shumë vende të botës. Ngjyra e kuqe ka simbolika të ndryshme dhe lidhet me parametra politikë, kulturorë dhe gjeografikë. Shumë vende të Bashkimit Evropian përdorin pasaporta të kuqe si pjesë e një identiteti të përbashkët. Ngjyra e kuqe lidhet me komunizmin dhe socializmin. Disa vende që kishin regjime komuniste, si Rusia dhe Kina, përdorin pasaporta të kuqe. Kjo ngjyrë pasqyron rrjedhën e tyre historike dhe politike.
Blu
Blu simbolizon lidhjen me Oqeanin Atlantik dhe paqen. Shumë vende të Amerikës, si Shtetet e Bashkuara dhe Kanadaja , kanë pasaporta blu. Kjo ngjyrë shpesh tregon largimin nga rrënjët historike koloniale.
E gjelbër
E gjelbra është ngjyra më karakteristike për shumë vende islame, pasi konsiderohet e shenjtë në Islam. Në të njëjtën kohë, vendet afrikane përdorin pasaporta jeshile për të treguar pjesëmarrjen e tyre në organizatat rajonale, siç është Komuniteti Ekonomik i Shteteve të Afrikës Perëndimore (ECOWAS).
E zezë
Ngjyra e zezë zgjidhet më rrallë dhe lidhet me luksin apo seriozitetin. Vende të tilla si Zelanda e Re, e cila e lidh të zezën me identitetin e saj kombëtar, kanë pasaporta të zeza. Britania e Madhe ka rifutur pasaportën e zezë pas daljes së saj nga Bashkimi Evropian (Brexit) në vitin 2020, duke zëvendësuar ngjyrën e kuqe të përdorur nga vendet anëtare të BE-së.
