Një aksident rrugor është regjistruar pasditen e kësaj të diele pranë Memaliajt, ku një automjet ka dalë nga rruga dhe është përmbysur.
Sipas informacioneve paraprake, drejtuesi i mjetit ka humbur kontrollin, duke bërë që automjeti të përfundojë jashtë karrexhatës dhe të përmbyset.
Në vendngjarje kanë mbërritur shërbimet e Policisë, të cilat kanë nisur veprimet për dokumentimin e rrethanave të aksidentit dhe normalizimin e qarkullimit në zonë.
Deri më tani, autoritetet nuk kanë dhënë informacion zyrtar mbi numrin e personave të përfshirë apo nëse ka të lënduar.
Hetimet vijojnë për të përcaktuar shkaqet e aksidentit.
