Mbi 100 pasagjerë dhe anëtarë të ekuipazhit të anijes turistike Ruby Princess janë prekur nga një shpërthim i norovirusit gjatë një udhëtimi 20-ditor në Alaskë.
Sipas Qendrat për Kontrollin dhe Parandalimin e Sëmundjeve të SHBA-së, anija, e operuar nga Princess Cruises, u ankorua në San Francisko me 102 pasagjerë dhe 23 anëtarë të ekuipazhit që shfaqën simptoma si të vjella dhe diarre.
Norovirusi është një virus shumë ngjitës që shkakton gastroenterit akut. Ai përhapet përmes kontaktit të drejtpërdrejtë me persona të infektuar, sipërfaqeve të kontaminuara ose konsumimit të ushqimeve dhe pijeve të ndotura.
Sipas ekspertëve të shëndetit publik, personat e infektuar mund ta transmetojnë virusin edhe pasi simptomat të jenë zhdukur, në disa raste deri në dy javë ose më gjatë.
Shpërthimi në bordin e Ruby Princess u raportua për herë të parë më 28 qershor. Sipas të dhënave të CDC-së, janë prekur rreth 3% e pasagjerëve dhe afërsisht 2% e ekuipazhit.
Operatori i anijes ka ndërmarrë masa shtesë sanitare, përfshirë izolimin e personave me simptoma, dezinfektimin e ambienteve dhe monitorimin e vazhdueshëm të situatës, në përputhje me protokollet shëndetësore.
