Iran ka reaguar ashpër ndaj deklaratave të fundit të drejtorit të përgjithshëm të Agjencia Ndërkombëtare e Energjisë Atomike, Rafael Grossi, lidhur me Ngushticën e Hormuzit dhe programin raketor iranian.
Zëdhënësi i Ministrisë së Jashtme iraniane, Esmaeil Baghaei, deklaroi se roli i IAEA-së duhet të kufizohet te verifikimi teknik dhe mbikëqyrja bërthamore, jo te komentet politike apo strategjike.
“Detyra e Agjencisë Ndërkombëtare të Energjisë Atomike është verifikimi, jo përhapja e mesazheve politike mbi Ngushticën e Hormuzit, raketat iraniane apo mënyrën se si duhet të sillet Teherani”, shkroi Baghaei në rrjetin social X.
Ai shtoi se paanshmëria profesionale e agjencive ndërkombëtare rrezikohet kur ato, sipas tij, përfshihen në “propagandë politike” ose ndikohen nga “ambicie personale”.
“Kur paanshmëria profesionale cenohet për propagandë politike ose për ambicie personale, institucionet humbasin besueshmërinë dhe me kalimin e kohës edhe efikasitetin”, theksoi ai.
Deklaratat vijnë në një moment tensionesh të larta në Lindjen e Mesme, mes paralajmërimeve të vazhdueshme nga Teherani dhe shqetësimeve ndërkombëtare për sigurinë detare në Ngushticën e Hormuzit dhe programin raketor iranian.
