Një raport paraprak i Departamenti i Sigurisë Kombëtare i SHBA ka hedhur dritë mbi motivet e dyshuara të personit të akuzuar për sulmin me armë ndaj Donald Trump gjatë Darkës së Shoqatës së Korrespondentëve të Shtëpisë së Bardhë.
Sipas dokumentit të përgatitur nga Zyra e Inteligjencës së departamentit, i dyshuari, Cole Thomas Allen, 31 vjeç, mund të jetë ndikuar pjesërisht nga kundërshtimi i tij ndaj konfliktit mes United States dhe Iran.
Raporti, i datuar më 27 prill, sugjeron se lufta disa mujore me Iranin “mund të ketë kontribuar” në vendimin e tij për të kryer sulmin.
Hetuesit kanë analizuar postimet e Allen në rrjetet sociale, ku ai shfaqte qëndrime të ashpra kundër politikave të administratës Trump. Sipas autoriteteve, ai kishte shkruar edhe një manifest prej rreth 1 mijë fjalësh para sulmit, ku shprehte urrejtje ndaj presidentit amerikan dhe disa anëtarëve të kabinetit të tij.
Prokurorët deklaruan se Allen kishte synuar të “kundërsulmonte” politikat që i konsideronte moralisht të papranueshme.
Ai përballet me akuza të rënda, përfshirë tentativë vrasjeje ndaj presidentit, përdorim arme gjatë një krimi të dhunshëm dhe transport të paligjshëm armësh dhe municionesh.
Sipas hetimeve, gjatë incidentit ai dyshohet se ka qëlluar edhe ndaj një agjenti të Shërbimi Sekret i SHBA gjatë përpjekjes për të hyrë në zonën e sigurisë së aktivitetit.
Autoritetet po analizojnë gjithashtu aktivitetin e tij në platforma sociale si Bluesky, ku kishte publikuar mesazhe kundër Donald Trump, Elon Musk dhe politikave ndërkombëtare amerikane.
Ndërkohë, gjykatësi federal Zia Faruqui kritikoi kushtet e paraburgimit të të dyshuarit, duke deklaruar se ishte shqetësuese që një person pa precedent penal të mbahej në masa kaq të ashpra sigurie.
