Tensionet në Lindjen e Mesme janë rritur sërish, pasi Garda Revolucionare ka rimbyllur Ngushticën e Hormuzit dhe ka paralajmëruar se çdo anije që kalon pa leje do të shkatërrohet.
Vendimi vjen në një moment kur armëpushimi dyjavor mes Shtetet e Bashkuara dhe Iran sapo ka hyrë në fuqi, duke krijuar pasiguri për qëndrueshmërinë e marrëveshjes.
Sipas raportimeve, cisternat e naftës nuk po lejohen të kalojnë në ngushticën strategjike, ndërsa zhvillimet lidhen edhe me përshkallëzimin e sulmeve izraelite në Liban, që sipas Teheranit përbëjnë shkelje të situatës së armëpushimit.
Nga ana tjetër, Sekretari amerikan i Mbrojtjes Pete Hegseth deklaroi se operacionet ushtarake të SHBA kanë sjellë një “fitore historike”, duke pretenduar se Irani është dobësuar ndjeshëm dhe ka kërkuar armëpushim.
Ndërkohë, Donald Trump ka bërë të ditur se janë në diskutim elementë të një marrëveshjeje më të gjerë, përfshirë lehtësimin e sanksioneve, por negociatat po zhvillohen me dyer të mbyllura.
Situata mbetet e brishtë, pasi Irani ka kushtëzuar vazhdimin e negociatave me ndalimin e sulmeve, ndërsa SHBA ka theksuar se konflikti në Liban nuk është pjesë e marrëveshjes së armëpushimit.
