Qytetarë në Teheran kanë reaguar me skepticizëm ndaj armëpushimit të përkohshëm mes Iran dhe Shtetet e Bashkuara të Amerikës, duke u mbledhur në rrugë në orët e para të mëngjesit.
Pamjet nga vendi i ngjarjes tregojnë grupe qytetarësh që djegin flamuj amerikanë dhe izraelitë, ndërsa të tjerë valëvitnin flamurin iranian dhe mbanin fotografi të figurave të larta të regjimit, përfshirë Ali Khamenei.
Një pjesë e protestuesve shprehën mosbesim të hapur ndaj marrëveshjes, duke argumentuar se SHBA mund ta përdorë armëpushimin për qëllime strategjike.
“Amerika e ka treguar veten shumë herë… mund ta përdorin këtë marrëveshje për të fituar kohë”, u shpreh një qytetare për mediat ndërkombëtare.
Të tjerë ngritën pikëpyetje mbi arsyet e pranimit të armëpushimit nga Irani, si dhe mbi kushtin për rihapjen e Ngushtica e Hormuzit, një rrugë kyçe për tregtinë globale të energjisë.
Sipas raportimeve, skepticizmi i qytetarëve reflekton edhe qëndrimin e mëhershëm të zyrtarëve iranianë, të cilët kanë shprehur vazhdimisht mosbesim ndaj negociatave me Uashingtonin, sidomos në kontekstin e konflikteve të fundit.
Reagimet në rrugët e Teheranit tregojnë se, pavarësisht armëpushimit të shpallur, tensionet dhe pasiguritë mbeten të larta në opinionin publik iranian.
