Tensionet në Lindjen e Mesme po arrijnë një pikë kritike, pasi Izrael po përgatitet për sulme ndaj objekteve energjetike të Iran, ndërsa pret miratimin nga Shtetet e Bashkuara të Amerikës.
Sipas një zyrtari të lartë izraelit të mbrojtjes, operacionet mund të zhvillohen brenda javës së ardhshme, në varësi të vendimit të Uashingtonit. Kjo lëvizje vjen në një moment tensioni të lartë, ku çdo hap mund të përshkallëzojë më tej konfliktin në rajon.
Situata është bërë edhe më e ndërlikuar pas ultimatumit 48-orësh të dhënë nga Donald Trump, i cili kërkoi nga Irani të arrijë një marrëveshje ose të përballet me pasoja të rënda.
Një sulm i mundshëm ndaj infrastrukturës energjetike iraniane do të kishte pasoja të gjera, jo vetëm ushtarake, por edhe ekonomike globale, duke prekur furnizimin me naftë dhe gaz, sidomos përmes zonave strategjike si Ngushtica e Hormuzit.
Zhvillimet e ditëve në vijim pritet të jenë vendimtare për drejtimin që do të marrë ky konflikt, ndërsa komuniteti ndërkombëtar mbetet në pritje të një de-eskalimi ose një përplasjeje më të gjerë.
