Është mbledhur këtë mbrëmje Asambleja e Partia Socialiste e Shqipërisë në Fier, nën drejtimin e drejtueses politike të qarkut, Belinda Balluku.
Takimi zhvillohet në një moment të rëndësishëm për organizimin e strukturave socialiste, ndërsa në fokus të diskutimeve pritet të jetë përgatitja për sfidat elektorale dhe forcimi i angazhimit në bazë.
Burime bëjnë me dije se gjatë mbledhjes po diskutohet për koordinimin më të mirë të strukturave lokale, si dhe për intensifikimin e komunikimit me qytetarët në të gjithë qarkun.
Asambleja konsiderohet si një hap i rëndësishëm në konsolidimin e punës organizative të Partisë Socialiste në Fier, në funksion të objektivave politike dhe elektorale të saj në vijim.
