Austria po ndërmerr hapa konkretë për të kufizuar përdorimin e rrjeteve sociale nga fëmijët, duke propozuar ndalimin e tyre për moshat nën 14 vjeç.
Sipas raportimeve, qeveria austriake pritet të paraqesë një propozim zyrtar deri në fund të qershorit, me synimin për të vendosur rregulla më të rrepta për platformat digjitale.
Zëvendëskancelari Andreas Babler deklaroi se autoritetet duan të veprojnë shpejt në nivel kombëtar, duke qenë se proceset në nivel të Bashkimi Evropian kërkojnë më shumë kohë. Ai theksoi gjithashtu nevojën për vendosjen e një kufizimi moshe të unifikuar në gjithë BE-në.
Austria nuk është e vetmja në këtë drejtim. Vende si Spanja, Franca, Danimarka, Portugalia dhe Greqia po shqyrtojnë masa të ngjashme për të mbrojtur fëmijët nga ndikimet negative të mediave sociale.
Kjo nismë vjen në një kohë kur gjithnjë e më shumë vende po shqetësohen për efektet e rrjeteve sociale në shëndetin mendor dhe zhvillimin e të rinjve, duke kërkuar rregullim më të fortë të këtij sektori në nivel kombëtar dhe europian.
