Qeveria ka ndërmarrë një ndërhyrje për të frenuar rritjen e çmimeve të karburantit në Shqipëria, duke ulur me 20% akcizën për naftën dhe benzinën.
Aktualisht, akciza për karburantet është rreth 40 lekë për litër (pa TVSH). Me vendimin e ri, ajo zbret në 32 lekë për litër, duke krijuar një diferencë prej 8 lekësh.
Kjo ulje pritet të reflektohet drejtpërdrejt në treg, duke sjellë një reduktim të çmimit final për konsumatorët me rreth 8 deri në 10 lekë për litër, në varësi të përfshirjes së TVSH-së dhe marzheve të tregtarëve.
Ndërhyrja vjen në një moment kur çmimet e karburanteve kanë shënuar rritje të fortë. Nafta ka arritur deri në rreth 214 lekë për litër në tregun vendas, ndërsa në bursat ndërkombëtare po tregtohet rreth 100 dollarë për fuçi.
Krahas uljes së akcizës, qeveria ka vendosur edhe rikthimin e Bordit të Transparencës, i cili do të vendosë çmime tavan për tregtimin e karburanteve dhe do të synojë parandalimin e abuzimeve në treg.
Masat synojnë të lehtësojnë barrën për qytetarët dhe bizneset, në kushtet e krizës së shkaktuar nga tensionet ndërkombëtare në tregjet e energjisë.
