Presidenti i Shtetet e Bashkuara të Amerikës, Donald Trump, ka reaguar ndaj qëndrimit të Francës për mosangazhimin në koalicionin ndërkombëtar të propozuar nga SHBA për sigurinë në Ngushticën e Hormuzit.
Gjatë një konference për shtyp në Shtëpinë e Bardhë, Trump komentoi refuzimin e presidentit francez Emmanuel Macron, duke lënë të kuptohet se lidershipi i tij është drejt fundit.
“Mandati i tij do të përfundojë shumë shpejt, kështu që do ta shohim, nuk e di,” u shpreh Trump, duke iu përgjigjur pyetjeve të gazetarëve për qëndrimin e Francës.
Refuzimi i Parisit për t’u bashkuar në këtë koalicion vjen në një moment kritik, pasi Ngushtica e Hormuzit konsiderohet një nga rrugët më të rëndësishme për transportin global të naftës dhe çdo tension në këtë zonë ka ndikim të drejtpërdrejtë në tregjet ndërkombëtare.
Qëndrimi i Francës tregon një qasje më të kujdesshme ndaj përfshirjes ushtarake në rajon, ndërsa deklaratat e Trump reflektojnë tensionet mes aleatëve perëndimorë për mënyrën e menaxhimit të krizës në Lindjen e Mesme.
Këto zhvillime theksojnë ndarjet brenda kampit perëndimor në lidhje me strategjinë ndaj Iranit dhe sigurinë në një nga pikat më të ndjeshme të tregtisë globale.
