Presidenti francez Emmanuel Macron ka reaguar ndaj zhvillimeve të fundit në Lindjen e Mesme, duke paralajmëruar se përshkallëzimi i konfliktit mes SHBA-së, Izraelit dhe Iranit paraqet rrezik serioz për paqen dhe sigurinë ndërkombëtare.
Ai theksoi se regjimi iranian duhet të angazhohet me mirëbesim në negociata për t’i dhënë fund programeve bërthamore dhe raketave balistike, si dhe aktiviteteve që, sipas tij, destabilizojnë rajonin.
Macron bëri thirrje për një mbledhje urgjente të Këshillit të Sigurimit të OKB-së dhe njoftoi se do të konsultohet me aleatët evropianë dhe partnerët rajonalë për të shmangur përshkallëzimin e mëtejshëm të situatës.
