Ambasadori i Bashkimit Evropian në Tiranë, Silvio Gonzato, ka ndjekur nga afër zhvillimet në Kuvend lidhur me çështjen e imunitetit të Belinda Ballukut.
Ai është parë duke dalë nga Kryesia e Kuvendit, ku po zhvillohet me dyer të mbyllura mbledhja e Këshillit të Mandateve për shqyrtimin e kërkesës së SPAK për heqjen e imunitetit të zv/kryeministres.
Në mbledhje janë të pranishëm edhe përfaqësues të Prokurorisë së Posaçme, përfshirë kryeprokurorin Klodian Braho si dhe prokurorët Dritan Prençi dhe Dorina Bejko.
