Kryetari i Partisë Demokratike, Sali Berisha, deklaroi në një konferencë për mediat se protesta e thirrur nga opozita do të jetë paqësore, pavarësisht se Policia nuk ka dhënë leje për tubimin.
Berisha theksoi se protestat paqësore janë pjesë e platformës politike të PD-së dhe se opozita vepron brenda kuadrit demokratik. Ai e cilësoi mosdhënien e lejes si një provokacion, duke shtuar se kjo nuk do të ndikojë në qëndrimin e opozitës.
“Ne organizojmë vetëm protesta paqësore. Jemi opozitë demokratike”, u shpreh Berisha, duke shtuar se opozita do të vijojë betejën politike deri në atë që ai e quajti “fitore të plotë”.
Ai lëshoi gjithashtu akuza të forta ndaj qeverisë, duke folur për korrupsion dhe duke paralajmëruar se, sipas tij, korrupsioni duhet të shpallet krim i rëndë me dënime më të ashpra.
Protesta e opozitës pritet të zhvillohet në Tiranë mes masave të shtuara të sigurisë nga Policia e Shtetit.
