Një zjarr i fuqishëm ka përfshirë një ndërtesë dykatëshe në zonën Budakeszi, rreth 8 kilometra në perëndim të Budapestit, duke shkaktuar tre viktima dhe disa të plagosur.
Trupat e dy burrave dhe një gruaje u gjetën nën çatinë e shembur të godinës. Sipas autoriteteve, 27 persona u evakuuan nga ekipet e shpëtimit, ndërsa nga ndërtesa u hoqën edhe tre bombola gazi.
Mbi 50 zjarrfikës profesionistë dhe vullnetarë morën pjesë në operacionin për shuarjen e flakëve, me qëllim parandalimin e përhapjes së zjarrit.
Bilanci paraprak flet për 15 persona me lëndime të lehta, tre të plagosur rëndë dhe katër në gjendje kritike në spital. Dyshohet se shkaku i zjarrit mund të ketë qenë një furnizim i paligjshëm me gaz, ndërsa hetimet vijojnë.
