Shkëlqim Hajdari është emëruar prefekt i Tiranës gjatë mbledhjes së Këshillit të Ministrave të mbajtur ditën e sotme. Vendimi vjen në kuadër të riorganizimeve të fundit në administratën shtetërore, me fokus forcimin e strukturave drejtuese në nivel vendor.
Me këtë emërim, Hajdari do të marrë drejtimin e Prefekturës së Tiranës, duke pasur përgjegjësi për koordinimin e institucioneve shtetërore në kryeqytet dhe mbikëqyrjen e zbatimit të ligjit në nivel lokal.
Posti që Hajdari mbante më parë, ai i Kryeinspektorit të Përgjithshëm, i është besuar ish-deputetit të Partisë Demokratike, Dashnor Sula. Ndryshimet konsiderohen pjesë e një procesi më të gjerë riorganizimi në strukturat e qeverisë.
