Struktura e Posaçme kundër Korrupsionit dhe Krimit të Organizuar ka përfunduar parashtrimet në gjyqin paraprak ndaj ish-presidentit Ilir Meta, Monika Kryemadhit, Pirro Xhixhës, Ema Çokut dhe Fatime Kryemadhit.
Burime pranë procesit bëjnë me dije se prokurori i çështjes, Sotir Kllapi, i ka kërkuar gjykatës që dosja të kalojë për gjykim në themel për të pesë të akuzuarit.
Ndaj tyre rëndojnë akuza për korrupsion dhe pastrim parash, ndërsa procesi ndodhet në fazën paraprake të shqyrtimit.
Aktualisht, në seancë po mban fjalën ish-presidenti Ilir Meta.
