Era e fortë që ka përfshirë vendin ka shkaktuar probleme në qarkun e Vlorës, ku disa pisha janë rrëzuar në rrugë, duke bllokuar përkohësisht aksin Vlorë–Zvërnec.
Si pasojë, qarkullimi i automjeteve është ndërprerë, ndërsa drejtuesit e mjeteve janë detyruar të ndalojnë ose të përdorin rrugë alternative. Në zonë pritet ndërhyrja e shërbimit zjarrfikës dhe strukturave përkatëse për largimin e pemëve dhe rikthimin e normalitetit në qarkullim.
Autoritetet u bëjnë thirrje qytetarëve të tregojnë kujdes të shtuar gjatë lëvizjes, pasi era e fortë vijon të paraqesë rrezik për rrëzime pemësh apo objekte të tjera.
