Një ngjarje e rëndë e dhunës në familje është parandaluar në kohë në fshatin Lulëzim të Memaliajt, falë ndërhyrjes së shpejtë të Policisë. Një 53-vjeçar është arrestuar në flagrancë pasi dhunoi bashkëshorten e tij dhe e kërcënoi se do ta vriste.
Sipas uniformave blu, pas njoftimit për konfliktin në familje, shërbimet e Stacionit të Policisë Memaliaj organizuan menjëherë ndërhyrjen për të shmangur një ngjarje të mundshme kriminale. Gjatë operacionit u neutralizua dhe u vu në pranga shtetasi L. D., banues në zonë.
Gjatë kontrollit në banesën e tij, policia gjeti dhe sekuestroi një armë zjarri pistoletë, e cila u mor në cilësinë e provës materiale. Fatmirësisht, ndërhyrja në kohë shmangu pasoja më të rënda për viktimën.
Materialet procedurale i janë referuar Prokurorisë për veprime të mëtejshme ligjore, ndërsa autoritetet theksojnë se do të vijojnë me zero tolerancë ndaj rasteve të dhunës në familje.
