Një kabinë elektrike në një pallat banimi në Lezhë është përfshirë nga flakët paraditen e sotme. Sipas informacioneve paraprake, shkak i zjarrit dyshohet të ketë qenë një defekt teknik në instalimet elektrike.
Si pasojë e ngjarjes janë shkaktuar dëme materiale, ndërsa nuk raportohet për persona të lënduar. Në vendngjarje kanë ndërhyrë shërbimet përkatëse për neutralizimin e flakëve dhe sigurimin e zonës.
Materialet procedurale i janë referuar Prokurorisë së Lezhës për veprime të mëtejshme hetimore, me qëllim përcaktimin e plotë të shkaqeve të zjarrit.
