Berat Gjimshiti u shpall “Lojtari i Vitit i Kombëtares” në ceremoninë e “Topit të Artë 2025”, çmim që e fitoi nga votat e bashkëlojtarëve. Kapiteni kuqezi theksoi se suksesi është kolektiv dhe falënderoi ekipin, stafin, FSHF-në, familjen dhe institucionet për mbështetjen.
Duke folur për Play-Off-et e marsit, Gjimshiti u shpreh optimist për shanset e Shqipërisë për kualifikim në Kupën e Botës, pavarësisht eksperiencës më të madhe të rivalëve:
“Shanset janë 50 me 50. Pse jo të ëndërrojmë dhe të shkruajmë historinë e futbollit shqiptar.”
Ai premtoi maksimumin dhe sakrificën totale nga i gjithë grupi.
Në nivel klubesh, Gjimshiti ka qenë shtyllë e Atalantës gjatë vitit 2025, me 21 paraqitje dhe 1 gol, duke ruajtur rol kyç pavarësisht ndryshimeve në pankinë. Aktualisht ndodhet jashtë fushave për shkak të një tendosjeje muskulore, por pritet të rikthehet shumë shpejt, pa rrezikuar vazhdimësinë e sezonit të tij pozitiv.
