Gigi Hadid dhe Bradley Cooper kanë dhënë për herë të parë deklarata të përbashkëta në publik, teksa u kapën në befasi nga influenceri i njohur amerikan, David Carmi, i cili njihet për intervistat e tij spontane në rrugët e Nju Jorkut me njerëz të panjohur dhe VIP.
Carmi iu afrua çiftit për pyetjen e tij të famshme: “Çfarë ju jep vetëbesim?”
Gigi Hadid u përgjigj me buzëqeshje:
“Të ndihem e lumtur.”
Ndërsa Bradley Cooper dha një përgjigje po aq të shkurtër sa domethënëse:
“Të jem gjallë.”
Influenceri kërkoi më pas një këshillë vetëbesimi për ndjekësit e tij. Hadid u përgjigj:
“Merreni ditë pas dite.”
Pamjet u publikuan në Instagramin e Carmit dhe u bënë virale në pak orë, duke shënuar një tjetër paraqitje publike të çiftit, pas asaj në ndeshjen Philadelphia Eagles – Detroit Lions më 16 nëntor.
Nga thashethemet te daljet publike
Spekulimet për një romancë mes Gigi Hadid dhe Bradley Cooper nisën në tetor 2023, kur të dy u fotografuan duke darkuar në Nju Jork. Për muaj të tërë, dyshja mbajti një profil të ulët, duke shmangur komentet për jetën e tyre private.
Në maj, Hadid ndau në rrjetet sociale fotografinë e parë me Cooper, një moment i ëmbël që konfirmoi publikisht lidhjen e tyre. Po në të njëjtin muaj, ata u kapën së bashku në festimet e ditëlindjes së modeles, ku Gigi u fotografua duke e puthur partnerin.
Dalja e tyre e fundit me David Carmi duket se shënon një hap tjetër drejt normalizimit të paraqitjeve publike të çiftit – duke u shfaqur të qeshur, të relaksuar dhe më të hapur se kurrë më parë.
