Presidenti ka dekretuar datën 9 nëntor për zgjedhjet e pjesshme lokale në 6 bashki të vendit, ndërsa debati politik është përqendruar thuajse tërësisht te Tirana. Por pyetja madhore që ngrihet është: A ka Partia Demokratike kandidatë për 5 bashkitë e tjera — Vlorë, Berat, Tepelenë, Mat dhe Cërrik?
Situata për PD është tepër e vështirë. Pas rezultatit të dobët në zgjedhjet e 11 majit, strukturat lokale të partisë duket se janë shkatërruar, kjo që ndikon në mungesën e kandidaturave që të marrin përsipër sfidën në terren.
Ish-deputeti Lefter Maliqi është shfaqur i gatshëm të kandidojë në Berat, duke pohuar se nuk ka demokrat që pranon ta bëjë këtë në degën lokale. Por kjo nuk është problem që prek vetëm Berat — të njëjtat vështirësi vihen re edhe në degë të tjera të PD-së që nuk kanë kush t’i përfaqësojë më në zgjedhje.
Ndërsa gjithë vëmendja është përqendruar tek gara në Tiranë, realiteti opozitar në terren është dramatik — nuk ka precedent që PD të mos kandidojë, por tani panorama duket pa emra që të përballen me presionin politik dhe shpërndarjen e sfidave në disa zona vendore.
