Pas një nate lufte të vërtetë me flakët, qyteti i Delvinës u zgjuar sot nën pasojat e një nga zjarreve më shkatërruese të viteve të fundit. Një vatër e fuqishme zjarri u përhap me shpejtësi nga zona kodrinore, duke detyruar banorët të braktisin shtëpitë dhe të kalojnë natën në rrugë. Nga tymi i dendur dhe mungesa e oksigjenit, 10 persona kërkuan ndihmë mjekësore për asfiksi, katër prej tyre ishin pjesëtarë të forcave të ushtrisë, ndërsa trajtimi u zhvillua në ambientet e Kinoteatrit të qytetit, rikthyer përkohësisht në qendër emergjente shëndetësore .
Forcat zjarrfikëse të bashkive jugore, njësi specializuara nga Tirana, ushtria dhe banorët lokal luftuan pa pushim për të mbrojtur zonat e banuara. Falë përpjekjeve të tyre, flakët u zunë nën kontroll, por vatrat mbeten aktive në zonën malore pranë fshatit Kakodhiq — aty ku besohet se nisi zjarri .
Sipas raportimeve ndërkombëtare, fotografitë e Reuters kapin dramatikisht situatën — një grua në largim ndërsa banorët largohen nga vatrat e zjarrta që vijojnë të djegin afër qytetit
