Presidenti ukrainas, Volodymyr Zelensky e përshkroi bisedën e tij me presidentin e Shteteve të Bashkuara, Donald Trump si “produktive”, duke vënë në dukje se tema kryesore ishte përpjekja për t’i dhënë fund luftës.
Presidenti ukrainas theksoi se “ndërprerja e gjakderdhjes është e nevojshme” dhe shprehu mbështetjen e tij të plotë për çdo përpjekje që çon në një paqe të drejtë dhe të qëndrueshme.
“Falënderojmë Presidentin Trump për të gjitha përpjekjet e tij”, tha ai, duke vënë në dukje se nëse Rusia nuk do ta kishte zgjatur qëllimisht luftën, “mund të kishim pasur shumë muaj paqeje tashmë”.
