Gjykata e Lartë ka rrëzuar rekursin e ish-efektivit të forcave operacionale, Jeton Lami, duke lënë në fuqi dënimin me 2 vite e 10 muaj burgim nga Gjykata e Lezhës për shpërdorim detyre.
Lami u arrestua pasi u filmua duke shoqëruar Ervis Martinajn, i cili në gusht të vitit 2022 u shpall i zhdukur teksa ishte person në kërkim ndërkombëtar. Apeli i Juridiksionit të Përgjithshëm konfirmoi më herët vendimin e shkallës së parë.
Ish-efektivi kërkoi rishqyrtimin e çështjes në shkallën më të lartë gjyqësore, por kjo kërkesë u refuzua nga Gjykata e Lartë.
