Deputeti i Partisë Demokratike, Dashnor Sula, ka reaguar lidhur me përplasjen e sotme mes Adriatik Lapajt dhe Endri Shabanit për mandatin e fituar nga koalicioni ‘Nisma Shqipëria Bëhet’.
Përmes një postimi në rrjetet sociale, duke ironizuar situatën e krijuar, Sula shprehet se kur do t’i bësh gropën tjetrit, bie vetë brenda.
Ai rikthen në kujtesë një bisedë të zhvilluar me Lapajn në momentin që po pretendonte për të kandiduar në listën e ‘Nismës Shqipëria Bëhet’ në Elbasan.
