Kryetari i Partisë Demokratike, Sali Berisha, ka marrë pjesë në prezantimin e programit elektoral të PD-së gjatë Kuvendit Kombëtar në Pallatin e Kongreseve, ku ka theksuar se ky program është një mundësi e jashtëzakonshme për Shqipërinë dhe se është më i miri që vendi ka parë gjatë 34 viteve të fundit.
Berisha ka kritikuar Partinë Socialiste dhe ka theksuar se, edhe pse ka qeverisur për shumë vite dhe ka qenë e njohur për mashtrimet dhe vjedhjet, tani po e vlerëson dhe po tenton të kopjojë programin e PD-së.
Ai ka bërë një krahasim me industrinë e teknologjisë, duke përmendur historinë e Nokia dhe Apple. Sipas Berishës, Nokia, edhe pse arriti kulmin e saj, dështoi kur tentoi të kopjonte iPhone të Apple. Ai ka theksuar se Apple vazhdoi të përmirësonte produktin e saj, ndërsa Nokia u mposht.
