Ngërçi dialogun mes Beogradit dhe Prishtinës, Brukseli pranon dështimin, një kthesë drastike pritet së shpejti

A mundet që formati i ri i dialogut Beograd-Prishtinë t’i nisë bisedimet pas këtij ngërçi? Analistët besojnë se ndërmjetësit evropianë duhet t’i kthehen Marrëveshjes së Brukselit të vitit 2013 dhe formimit të Unionit të Komunave Serbe (USM) që dialogu të përparojë Shefja e diplomacisë së Bashkimit Evropian Kaja Kallas njoftoi mundësinë e rishikimit të formatit të negociatave me Peter Sorensen , të dërguarin e ri të posaçëm për dialogun, në mars. “Është e qartë se normalizimi i marrëdhënieve është i nevojshëm për të dy vendet. Nëse ata mendojnë se mund të marrin rrugën evropiane pa normalizimin e marrëdhënieve, për mendimin tim, kjo nuk është e mundur. Njëkohësisht dëgjoj edhe kritika për këtë format. Pra, dua shumë të shoh se si mund ta bëjmë këtë proces të funksionojë”, tha Kallas. Ajo shtoi se këtë e kishte diskutuar tashmë me Marko Gjuriçin, ministrin e Jashtëm serb, i cili, tha ajo, “konfirmoi gatishmërinë për përparim në procesin e normalizimit”. Tani, siç tha ajo, pritet formimi i qeverisë së re të Kosovës dhe më pas “pala evropiane do të shohë se si do të vazhdojë në këtë proces”.