Izraeli liron 90 të burgosurit palestinezë si pjesë e marrëveshjes me Hamasin! Gaza hyn në ditën e dytë të armëpushimit

Izraeli ka liruar 90 të burgosur palestinezë si pjesë e marrëveshjes së armëpushimit të arritur me Hamasin

Palestinezët e liruar nga burgjet izraelite përfshijnë 69 gra dhe 21 adoleshentë nga Bregu Perëndimor dhe Jerusalemi, sipas Hamasit.

Sipas agjencisë së lajmeve Reuters, shumica e personave të liruar sot janë ndaluar së fundmi dhe nuk janë gjykuar apo dënuar.

Gjatë fazës së parë të armëpushimit, Izraeli pritet të lirojë rreth 1900 të burgosur dhe të paraburgosur palestinezë, ndërsa Hamasi pritet të lirojë rreth 33 pengje izraelitë.

Armëpushimi u arrit pasi një lufte 15-mujore që ka shkatërruar Rripin e Gazës dhe ka ndezur konfliktet në Lindjen e Mesme.

Armëpushimi lejoi palestinezët të ktheheshin në lagjet e bombarduara për të filluar rindërtimin e jetës së tyre, ndërsa kamionët shpërndanin ndihmat shumë të nevojshme.

Diku tjetër në Gaza, turmat brohoritën luftëtarët e Hamasit që dolën nga vendet ku ishin fshehur.  Fishekzjarret u hodhën ndërsa autobusët që transportonin të burgosurit palestinezë mbërritën në Ramallah në Bregun Perëndimor, ku mijëra njerëz i prisnin.

Në Tel Aviv, qindra izraelitë brohoritën dhe qanë në një shesh jashtë selisë së mbrojtjes, ndërsa një transmetim i drejtpërdrejtë nga Gaza tregoi tre pengje duke hyrë në një makinë të Kryqit të Kuq të rrethuar nga luftëtarët e Hamasit.

Ushtria izraelite tha se Romi Gonen, Doron Steinbrecher dhe Emily Damari ishin ribashkuar me nënat e tyre dhe publikoi një video që tregonte se ato ishin në gjendje të mirë shëndetësore. Emily Damari, e cila humbi dy gishta kur u qëllua ditën që u rrëmbye, buzëqeshi dhe përqafoi nënën e saj teksa mbante një dorë të fashuar.

“Unë do të doja që ju t’u thoni atyre: Romi, Doron dhe Emily – një komb i tërë ju përqafon. Mirë se vini në shtëpi,” i tha kryeministri Benjamin Netanyahu një komandanti me telefon.