Deputetja e Partisë së Lirisë, Monika Kryemadhi tha para mediave pas daljes nga GJKKO se ajo ka deklaruar çdo ndërhyrje mjekësore e çdo shpenzim. Ajo tha se mënyra se si ka dalë dosja hetimore e SPAK është një gjyq publik kundrejt saj.
Para GJKKO, Monika Kryemadhi u pyet për shpenzimet jashtë shtetit dhe akuzën për mosdekalrim të ardhurash. Ajo tha se gjithçka e ka deklaruar dhe madje shtoi se xhaketën që kishte veshur e ka Michael Kors.
“Edhe këtë xhaketën Michael Kors e kam, me lekët e mia e kam ble, mos e kam ble gjë me lekët e Ramës, të tuat apo të SPAK?
Unë i kam deklaruar të gjitha, s’kam frikë për të deklaruar paratë e prindërve që i kanë të deklaruara dhe të fituara”, tha Kryemadhi.
