Gara për përzgjedhjen e 12 drejtorëve të rinj të policisë vendore është hapur dje, duke shënuar një hap të rëndësishëm në reformimin e strukturave të sigurisë në vend. Lajmi u bë dje i ditur për mediat nga ministri i Brendshëm, Ervin Hoxha. Procesi përfshin gjithashtu zgjedhjen e zv/drejtorit të Përgjithshëm, drejtorëve të Departamenteve dhe shefave të Komisariateve, duke e bërë këtë një ndryshim të gjerë në menaxhimin e policisë. Komisioni i vlerësimit, i ngarkuar për të kaluar në filtra kandidatët, do të sigurojë që ata që do të zgjidhen të jenë në përputhje me standardet e nevojshme për këtë rol të rëndësishëm. Kjo reformë është pjesë e përpjekjeve për të përmirësuar eficiencën dhe përgjegjshmërinë e institucioneve të rendit. Shkarkimi i drejtorëve aktualë tregon një vendim të qartë për të rinovuar lidershipin dhe për të sjellë ide të freskëta në menaxhimin e policisë. Procesi i përzgjedhjes premton transparencë dhe drejtësi, duke ofruar mundësi për individë të kualifikuar që të kontribuojnë në forcimin e rendit publik. Kjo është një mundësi e artë për të sjellë ndryshime pozitive dhe për të rikthyer besimin e qytetarëve në policinë e vendit. Vlerësimi i kandidaturave do të jetë një proces i detajuar, ku çdo aspekt do të merret parasysh për të siguruar se përzgjedhja është në interes të shoqërisë.
Miratimi i vendimit
Qeveria shqiptare miraton në mbledhjen e radhës që u mbajt ditën e djeshme Vendimin për Rregullat dhe Procedurat e Përzgjedhjes së drejtuesve të Policisë së Shtetit. Ministri i Brendshëm, Ervin Hoxha, e konfirmoi marrjen e vendimit në mbledhjen e Këshillit të Ministrave, duke e quajtur “një hap thelbësor, që vjen në zbatim të ligjit të ri “Për Policinë e Shtetit”. Pas këtij vendimi mësohet se jo vetëm 12 drejtorët e policive në qarqe, por edhe zëvendësdrejtori i Përgjithshëm në Policinë e Shtetit, drejtorët e Departamenteve dhe Shefat e Komisariateve, do i në nënshtrohen garës testuese dhe verifikimit me konkurs, po në të njëjtin proces siç dhe u zgjodh kryepolici Ilir Proda, që zëvendësoi të dorëhequrin Muhamet Rrumbullaku. “Në mbledhjen e sotme të Qeverisë u miratua Vendimi për Rregullat dhe Procedurat e Përzgjedhjes së drejtuesve të Policisë së Shtetit.
Një hap thelbësor ky, që vjen në zbatim të ligjit të ri “Për Policinë e Shtetit”. Ky akt përfaqëson një reformë të rëndësishme, që përmirëson strukturën dhe transparencën e procesit të përzgjedhjes së drejtuesve të policisë, në nivel qendror e vendor, përfshirë Zëvendësdrejtorin e Përgjithshëm, Drejtorët e Departamenteve, Drejtorët e Drejtorive Vendore, si dhe Shefat e Komisariateve”, shkroi dje ministri Hoxha në rrjetet sociale.
Detajet
Më tej ministri i Brendshëm, Ervin Hoxha zbuloi do të ngrihet edhe një komision vlerësimi që do të kalojë në filtra kandidatët. “Për herë të parë, normohet përmes një procesi konkurrues, duke garantuar që përzgjedhja të bëhet në bazë të meritës, integritetit, profesionalizmit dhe transparencës, për të siguruar një udhëheqje më efektive dhe një Polici më të përgjegjshme përpara qytetarëve tanë. Reforma synon forcimin e besimit të publikut te Policia e Shtetit, si institucioni kryesor për sigurinë publike. Gjithashtu synon rritjen e performancës së saj në garantimin e sigurisë publike dhe luftën kundër krimit.
