Një makinë tip “Benz” ka marrë flakë në ecje dhe për pasojë është djegur plotësisht në Vlorë.
Raportohet se ngjarja ka ndodhur në Lungomare. Sakaq, nga përfshirja e automjetit në flakë nuk ka persona të lënduar.
Dyshohet se automjeti ka marrë flakë si pasojë e një shkëndije elektrike. Zjarrfikësit kanë mbërritur duke bërë të mundur shuarjen e flakëve.
Grupi hetimor po punon për zbardhjen e plotë të rrethanave të ngjarjes.
