Skandali i diplomave false që lëshoheshin në Shqipëri nga Kolegji Universitar ‘Wisdom’ dhe që shiteshin në Itali për shuma 8-10 mijë euro, ka sjellë reagimin e PD-së.
Drejtuesja e departamentit të Arsimit në PD, Lili Sula u shpreh se, ky është skandal i radhës që kap majat e Ministrisë së Arsimit.
Sula deklaron se Ministria e Arsimit ka dështuar në të qenit garante e ligjshmërisë dhe e cilësisë!
PD deklaron se MAS nuk mund të fshihet pas moscertifikimit të kuotave për vitin akademik 2024-2025! Lili Sula pyet sa kuota për studime universitare i janë dhënë Wisdom -it dhe sa diploma janë lëshuar për vitet 2023-‘24, 2022- ‘23.
