Kryeministri sllovak Robert Fico është qëlluar dhe plagosur, sipas raportimeve të mediave lokale.
Fico u qëllua përpara një qendre të komunitetit kulturor në qytetin Handlova, ku ishte mbajtur një mbledhje e qeverisë, thonë raportet.
Sipas gazetarëve në vendngjarje janë dëgjuar disa të shtëna.
Udhëheqësi sllovak është dërguar në spital dhe sulmuesi i tij i dyshuar është ndaluar nga policia.
Handlova është rreth 180 km në veri-lindje të kryeqytetit Bratislava.
Në një video shihen disa burra që nxitonin për të arrestuar të dyshuarin jashtë qendrës kulturore në Handlova. BBC nuk e ka verifikuar ende pamjen.
Në reagimin e saj fillestar ndaj të shtënave, presidentja në largim e Sllovakisë Zuzana Caputova tha se ishte e tronditur nga sulmi “brutal dhe i pamëshirshëm” ndaj kryeministrit dhe i uroi atij forcë për t’u rikuperuar.
Fico u kthye në pushtet në Sllovaki pas zgjedhjeve shtatorin e kaluar, në krye të një koalicioni populist-nacionalist.
