Bashkimi Evropian ka reaguar ndaj sulmit vdekjeprurës në Moskë, ku deri tani raportohet për 40 viktima.
Peter Stano, zëdhënësi kryesor për çështjet e jashtme të BE-së, në një postim në rrjetin social X tha se BE është i tronditur dhe i tmerruar.
“BE dënon çdo sulm kundër civilëve. Mendimet tona janë me të gjithë ata qytetarë rusë të prekur”, tha Stano.
Shërbimi Federal i Sigurisë, konfirmoi sulmin por nuk dha hollësi mbi autorët apo numrin e viktimave. Zyrtarët e kësaj agjencia thanë se janë marrë të gjitha masat e nevojshme për trajtimin e situatës.
Ministria e Shëndetësisë e Rusisë tha se disa nga të lënduarit janë dërguar tashmë për trajtim në spitale
Agjencia e lajmeve Reuters njoftoi se pesë persona të armatosur hynë në sallën e koncerteve “Crocus City Hall” afër Moskës dhe qëlluan me armë automatike në drejtim të turmës që po ndiqte koncertin e grupit muzikor “Picnic”.
