Ushtria amerikane ka realizuar sot (2 mars) dërgesën e parë të ndihmave humanitare nga ajri në Gaza.
Lajmi është bërë i ditur nga dy zyrtarë amerikanë, të cilët, sipas Reuters, në kushte anonimiteti, deklaruan se rënia u krye duke përdorur tre aeroplanë C-130.
Një nga zyrtarët tha se në Gaza janë lëshuar nga ajri më shumë se 35,000 vakte për banorët.
Shtëpia e Bardhë ka thënë se fluturimet do të jenë një përpjekje e qëndrueshme dhe se Izraeli ishte mbështetës i fluturimeve.
Vende të tjera, përfshirë Francën, Egjiptin dhe Jordaninë, kanë kryer ndihma ajrore në Gaza, raporton Reuters.
Ndërkohë, kujtojmë se të paktën 576,000 njerëz në Rripin e Gazës, një e katërta e popullsisë, janë një hap nga uria, sipas Zyrës së OKB-së për Koordinimin e Çështjeve Humanitare.
Me njerëzit që hanë ushqim për kafshët për të mbijetuar dhe mjekët që thonë se fëmijët po vdesin nga kequshqyerja dhe dehidrimi, OKB-ja ka thënë se përballet me “pengesa dërrmuese” për të marrë ndihmë.
