Presidenti ukrainas Volodymyr Zelensky komentoi mbi mbylljen e gazsjellësit të gazit rus që kalonte përmes Ukrainës, duke theksuar se ky është një goditje e rëndë për Moskën dhe një humbje për Kremlinin.
Ai vuri në dukje se përpara 25 vjetësh, Rusia eksportonte më shumë se 130 miliardë metra kub gaz në Evropë, ndërsa tani ka zero dërgesa përmes këtij rrjeti. Zelensky theksoi se përdorimi i gazit si armë nga Rusia, përmes shantazheve ndaj partnerëve evropianë, ka çuar në humbjen e një tregu të rëndësishëm për Moskën.
Pas pezullimit të furnizimit me gaz nga Gazprom nëpërmjet Ukrainës, Zelensky shpjegoi se kjo do të ketë pasoja edhe për Ukrainën, e cila do të humbasë 800 milionë dollarë në vit nga tarifat e tranzitit. Nga ana tjetër, Gazprom pritet të humbasë gati 5 miliardë dollarë për shkak të këtij vendimi. Ai theksoi gjithashtu se shumica e shteteve evropiane janë përshtatur me situatën e re energjetike, por bëri thirrje për mbështetje ndaj Moldavisë, e cila është ende e varur nga gazsjellësat ruse. Ukraina gjithashtu është duke shpresuar për rritjen e furnizimit me gaz nga SHBA për të zëvendësuar humbjet e shkaktuara nga pezullimi i furnizimeve ruse.
