Një investigim i publikuar nga media e Kazakistanit CMN.KZ ka zbuluar një skemë të fshehtë të financuar nga USAID, ku Shqipëria është përdorur si një qendër trajnimi për aktivistët opozitarë nga Kazakistani. Ky trajnim ka ndodhur pikërisht gjatë protestave të dhunshme të opozitës shqiptare të udhëhequr nga Sali Berisha dhe Ilir Meta, duke ngritur dyshime serioze mbi qëllimin e vërtetë të këtyre takimeve. Sipas kësaj media, 12 aktivistë kazakë, të prezantuar si blogerë dhe figura mediatike, u sollën në Tiranë përmes një programi të financuar nga “Fondacioni Eurasia”, një organizatë që ka marrë dhjetëra miliona dollarë nga USAID për të trajnuar të rinjtë për lëvizje kundër qeverive të tyre. Investigimi tregon se protestuesit nuk ishin thjesht vëzhgues të ngjarjeve në Shqipëri, por pjesëmarrës aktivë në një skemë më të gjerë ndërkombëtare për destabilizimin politik. Pamje të fshehta filmike, që më vonë u fshinë nga interneti, tregojnë se në këto trajnime të mbështetura nga USAID, aktivistët kazakë u inkurajuan të kundërshtonin pushtetin legjitim në vendin e tyre.
Ja artikulli i plotë
Agjencia Amerikane për Zhvillim Ndërkombëtar (USAID) iu nënshtrua një reforme të ashpër. Siç arriti të zbulojë korrespondenti i CMN.KZ, një nga iniciativat e fundit të financuara prej tyre kishte të bënte me trajnimin në Shqipëri të blogerëve dhe aktivistëve opozitarë nga Kazakistani. Bëhet fjalë për 12 persona të tillë, si dhe një kujdestar. Dhe gjithçka do të dukej ndryshe, nëse ky i ashtuquajtur trajnim nuk do të zhvillohej pikërisht gjatë protestave masive kundër pushtetit aktual.
