Nëna e liderit të opozitës ruse, Alexei Navalny nuk ka mundur të marrë trupin e tij pas vdekjes në një burg në Arktik. Lajmi është bërë publik në nga një mik i ngushtë i Navalny.
Kira Yarmysh tha se nënës së tij, Lyudmila, iu tha se trupi i tij do të dorëzohej vetëm pasi të kishte përfunduar një ekzaminim pas vdekjes. Ekipi i Navalny beson se aktivisti u vra me urdhër të presidentit Vladimir Putin, sipas BBC.
Një grup i të drejtave tha se 400 rusë ishin arrestuar për vendosjen e homazheve.
Qeveritë perëndimore thonë se fajin e kanë autoritetet ruse për vdekjen e papritur të 47-vjeçarit, ndërsa ministrat e jashtëm nga grupi i vendeve të pasura G7 i bënë thirrje Rusisë që të “sqarojë urgjentisht” rrethanat që e rrethojnë atë.
Ministria e Jashtme e Rusisë tha se hodhi poshtë hipotezat “të njëanshme dhe joreale” mbi shkakun e vdekjes së tij, të bëra gjatë një takimi me zyrtarët britanikë të shtunën.
Nënës së tij Lyudmila Navalnaya, thuhet se iu tha nga shërbimi i burgut se ai vdiq të premten pasi u rrëzua dhe ra pa ndjenja gjatë një shëtitjeje, sipas ekipt të tij.
Ajo vizitoi koloninë të shtunën dhe iu dha një njoftim zyrtar që thoshte se ora e vdekjes ishte 14:17 me orën lokale (09:17 GMT), tha Yarmysh.
Ekipi i tij tha se zonjës Navalnaya iu tha se trupi i tij ishte dërguar në qytetin Salekhard, pranë kompleksit të burgut, por kur ajo mbërriti, morgu ishte i mbyllur.
Zyrtarët e burgut thuhet se i thanë asaj se një ekzaminim fillestar pas vdekjes nuk ishte përfundimtar dhe do të duhej të kryhej një i dytë.
Aleatët e Navalny pretendojnë se trupi i tij po mbahet qëllimisht nga autoritetet ruse në mënyrë që ata të “mbulojnë gjurmët” dhe bëjnë thirrje që trupi t’i kthehet familjes së tij “menjëherë”.
