Presidenti i Shtetet e Bashkuara të Amerikës, Donald Trump, ka kritikuar sërish nivelin e kontributit financiar të vendeve anëtare të NATO, duke argumentuar se SHBA mbart peshën më të madhe të shpenzimeve për mbrojtjen e aleancës.
Në një postim në platformën e tij, Trump publikoi shifra që, sipas tij, pasqyrojnë shpenzimet e vendeve kryesore të NATO-s për periudhën 2014–2025. Ai renditi SHBA-në me 999 miliardë dollarë, të ndjekur nga Mbretëria e Bashkuar me 90.5 miliardë dollarë, Franca me 66.5 miliardë dollarë, Italia me 48.8 miliardë dollarë dhe Polonia me 44.3 miliardë dollarë.
Trump shtoi se vendet e tjera të aleancës, përfshirë Gjermania, shpenzojnë dukshëm më pak për mbrojtjen, duke e cilësuar këtë situatë si “qesharake”.
Deklaratat e presidentit amerikan pasqyrojnë qëndrimin e tij të përsëritur se vendet evropiane duhet të rrisin kontributin e tyre financiar për mbrojtjen kolektive brenda NATO-s. Shifrat e publikuara në postimin e tij nuk janë verifikuar në mënyrë të pavarur në këtë raportim.
