Administrata e Donald Trump po shqyrton hapat e ardhshëm për mundësinë e nisjes së bisedimeve të paqes me Irani, ndërsa konflikti në rajon vijon të jetë i tensionuar.
Sipas raportimeve të Axios, në Uashington po diskutohet një kornizë e mundshme negociatash, e cila mund të çojë drejt një de-eskalimi gradual të situatës në javët në vijim.
Në këto diskutime janë përfshirë edhe figura të afërta me Trump, si Jared Kushner dhe Steve Witkoff.
6 kushtet kryesore të SHBA-së:
Sipas burimeve, Shtetet e Bashkuara po kërkojnë nga Irani:
- pezullim 5-vjeçar të programit të raketave
- pasurim zero të uraniumit
- çmontim të objekteve bërthamore në Natanz, Isfahan dhe Fordow
- mbikëqyrje të rreptë ndërkombëtare për teknologjinë bërthamore
- marrëveshje rajonale për kontrollin e armëve
- ndalim të financimit të grupeve si Hezbollah, Huthit dhe Hamas
Një nga kërkesat kryesore lidhet edhe me rihapjen e transportit në Ngushtica e Hormuzit, një arterie jetike për tregtinë globale të energjisë.
Qëndrimi i Iranit
Nga ana tjetër, zyrtarët iranianë kanë shprehur gatishmëri për negociata, por me kushte të forta, si:
- armëpushim i menjëhershëm
- garanci për ndalimin e sulmeve
- kompensim financiar për dëmet
Ministri i Jashtëm Abbas Araghchi ka theksuar se stabilizimi i situatës kërkon ndërprerjen e operacioneve ushtarake nga SHBA dhe Izraeli.
Ndërmjetësit dhe skenari diplomatik
Aktualisht nuk ka komunikim të drejtpërdrejtë mes palëve, por vende si Egjipti, Katari dhe Mbretëria e Bashkuar po veprojnë si ndërmjetës.
Ndërkohë, SHBA po shqyrton edhe rolin e mundshëm të Katarit si negociator kryesor, duke parë përvojën e tij në ndërmjetësime rajonale.
Megjithëse Trump është shprehur i hapur për dialog, ai nuk ka pranuar ende një armëpushim të menjëhershëm, ndërsa negociatat mbeten të pasigurta dhe të varura nga zhvillimet në terren.
