Në një moment kritik për politikën shqiptare, konspiracionisti dhe teoricieni i njohur, Alfred Cako del përpara me një analizë tronditëse të ngjarjeve që kanë shokuar vendin, ndërkohë që komenton edhe situatën gjeopolitike. Gjatë një intervistë tejet interesante dhe të mbushur me detaje të forta për gazetën “SOT”, zoti Cako hedh dritë mbi disa nga ngjarjet më tronditëse që kanë shënuar historinë e fundit të Shqipërisë. Alfred Cako, një emër që tashmë ka bërë bujë në mediat shqiptare, na sjell një analizë mbi vdekjet misterioze të Kastriot Myftarajt, Gert Bogdanit dhe Sokol Olldashit.
Ai flet pa frikë për hijet e errëta që i rrethojnë këto tragjedi dhe për pasojat që ato mund të kenë për politikën dhe shoqërinë shqiptare. Po ashtu, Cako gjatë intervistës me kryeredaktorin e gazetës “SOT”, Rigels Seliman, zbulon detaje rreth opsioneve që i janë ofruar ish-kryeministrit Sali Berisha për të shmangur burgu, duke e pozicionuar atë në një lojë të rrezikshme politike. Ndërkohë në një kohë kur stabiliteti i Ballkanit është nën kërcënim, diskutimet rreth rikonfigurimit të tij bëhen gjithnjë e më të nxehta.
Një nga idetë më të pazakonta është koncepti i një kalifati bektashi, që sipas konspiracionistit Cako, po merr formë si një alternativë për qendrat tradicionale të autoritetit fetar. Fuqitë e errëta, që operojnë në prapaskenë, janë të angazhuara në manipulimin e lidhjeve politike dhe fetare në rajon, duke mbjellë përçarje dhe tensione. A është ky një plan i mirëmenduar për të kontrolluar destinimin e një rajoni të trazuar, apo një thjesht imagjinatë e frikshme?
Çfarë fshihet pas këtyre pazareve dhe çfarë rrezikojnë të sjellin ato për të ardhmen e vendit? Kjo intervistë do t’ju mbajë të angazhuar dhe do t’ju ofrojë një pamje të qartë mbi sfidat që përballen shqiptarët sot. A jeni gati të zbuloni të vërtetat që shpesh janë të fshehura? Të gjitha këto i gjeni në këtë intervistë që konspiracionisti dhe teoricieni i njohur, Alfred Cako ka dhënë për gazetën “SOT”.
-Zoti Cako, si e komentoni dënimin e Ervin Salianjit për kallëzim të rremë? A shihej ai si një rrezik brenda PD?
Sigurisht që dënimi i tij ka prapavijë politike edhe sikur të jenë të vërteta akuzat ndaj tij. Askush nga gjykatësit tanë nuk mund të guxojë të futë politikën në vorbulla ku çmimi që paguhet nga shoqëria është më i lartë se kostoja e dëmit që paska shkaktuar Salianji.
Unë mendoj që sistemi i “Drejtësisë së Re”, është zgjatimi shqiptar i Shtetit të Thellë botëror. Këta kanë synimet e tyre për ta kapur e kontrolluar totalisht Partinë Demokratike të sotme që duket se Saliu do ta mbajë për familjen e tij si një makineri që gjeneron pushtet dhe fuqi financiare.
