Policia e Durrësit ka arrestuar një 26-vjeçar banues në lagjen 13, i identifikuar si Leonardo Preza, për shkak të veprimeve të tij flagrante ndaj një turistesh italiane 18-vjeçare. Ngjarja ndodhi rreth orës 05:25 të mëngjesit të datës 5 shtator, në shezlongët përballë një hoteli, ku 26-vjeçari dyshohet se ka kryer marrëdhënie seksuale me dhunë kundër vullnetit të vajzës, duke i shkaktuar edhe dëmtime fizike.
Strukturat e Krimit pranë Policisë së Durrësit reaguan menjëherë, duke identifikuar dhe arrestuar autorin pas disa orësh hetim intensiv. 26-vjeçari ka precedentë kriminalë, përfshirë armëmbajtje pa leje dhe vjedhje.
Materialet hetimore tashmë i janë dërguar Prokurorisë pranë Gjykatës së Shkallës së Parë Durrës, ndërsa i riu po përballet me akuzë për veprën penale “Marrëdhënie seksuale me dhunë me të mitur të moshës 14–18 vjeç”, e parashikuar nga Kodi Penal.
–
