Sindikata Shqiptare e Taksive, Sindikata e Pavarur e Taksive dhe Shoqata e Taksive “Tirana” janë mbledhur në Sheshin Nënë Tereza ditën e sotme duke protestuar. Taksistët kanë ndaluar makinat e tyre në shesh dhe me pankarta në duar protestojnë për shqetësimet e tyre të përditshme.
Në komunikatë ata shprehen se shqetësimi kryesor mbetet shtimi i mjeteve taksi. Sipas tyre shtimi i taksive ka rënduar në përballimin e kushteve të jetesës së taksistëve.
Konkurenca e pabarabartë, mjetet e pa licencuara, kriteret e punësimit, çmimi i lartë i karburantit janë disa nga arsyet që ata japin në lidhje me uljen ndjeshëm të të ardhurave të shërbimit. Në komunikatë janë listuar edhe kërkesat e taksistëve.
