Gjykata e Posaçme Kundër Korrupsionit dhe Krimit të Organizuar ka shtyrë për në 3 qershor seancën gjyqësore ndaj Erion Veliaj dhe shtatë të bashkëpandehurve të tjerë, për shkak të mungesës së disa avokatëve mbrojtës.
Në seancën e kësaj të marte pritej që Struktura e Posaçme Kundër Korrupsionit dhe Krimit të Organizuar (SPAK) të lexonte pretencën dhe kërkesat përfundimtare ndaj të pandehurve, por procesi u ndërpre dhe u shty për në fillim të muajit qershor.
Sipas raportimeve, të bashkëpandehurit po gjykohen të ndarë nga Veliaj dhe me procedurë të gjykimit të shkurtuar.
Në seancën e ardhshme pritet që prokurorët e posaçëm të paraqesin konkluzionet dhe kërkesat përfundimtare për secilin prej të akuzuarve.
Çështja ndaj Veliajt vijon të ndiqet me interes të lartë publik, ndërsa vetë kryebashkiaku i Tiranë ka kundërshtuar më herët masat e sigurisë dhe akuzat e ngritura ndaj tij.
