Edhe seanca e sotme parlamentare nuk është zhvilluar normalisht. Deputetët e opozitës së Rithemelimit ndoqën të njëjtin skenar, atë të bllokimit të punimeve.
Edhe pse kjo është një seanca ku dëgjohen shqetësimet e zgjedhësve, përsëri nuk pati normalitet.
Deputetet bllokuan foltoren dhe ndezen zhurmueset.
Kryetarja e Kuvendit, Lindita Nikolla iu drejtua kolegeve te opozites se “qytetarët duan të degjojnë shqetesimet e tyre dhe jo bilbilët tuaj”.
Pas bllokimit të Kuvendit, Nikolla njoftoi mbylljen e seancës duke u shprehur se për seancen e radhes do te njoftohen sërish.
Deputetët e opozitës së Rithemelimit prej tetorit të vitit të kaluar kanë paraqitur disa kërkesa, të cilat janë rrëzuar nga mazhoranca qeverisëse. Kjo ka bërë që punimet e Kuvendit të mos zhvillohen normalisht.
Kujtojmë që opozita ka çuar në Gjykatë Kushtetuese ligjin për Komisionet Hetimore.
